We use cookies to help you find the right information on mental health on our website. If you continue to use this site, you consent to our use of cookies.

ಇಸಿಟಿ ಕುರಿತು ಸಾಮಾನ್ಯವಾಗಿರುವ ಸತ್ಯ ಮಿತ್ಯಗಳು

ತಪ್ಪು ನಂಬಿಕೆ: ವ್ಯಕ್ತಿಗಳು ಎಲ್ಲವನ್ನು ಮರೆಯಲು ಇಸಿಟಿಯನ್ನು ನೀಡಲಾಗುತ್ತದೆ.

ವಾಸ್ತವ: ಇಸಿಟಿಯಿಂದ ತಾತ್ಕಲಿಕವಾಗಿ ನೆನಪು ಮಾಸುವುದು ಸಾಮಾನ್ಯ. ಇದು ಇತ್ತೀಚಿನ ದಿನಗಳಲ್ಲಿ ಅಪರೂಪವಾಗಿದೆ. ಇಸಿಟಿ ಪ್ರಕ್ರಿಯೆ ಮುಗಿದ ಬಳಿಕ ನೆನಪಿನ ಸಾಮರ್ಥ್ಯ ವಾಪಸ್ ಬರುತ್ತದೆ.

ತಪ್ಪು ನಂಬಿಕೆ: ಕೆಲವರು ಮನೋರೋಗ ಆಸ್ಪತ್ರೆಗೆ ಸೇರಿದರೆ ರೋಗಿಗೆ ಅರಿವಿಲ್ಲದಂತೆ ಇಸಿಟಿ ನೀಡಲಾಗುವುದು.

ವಾಸ್ತವ: ವೈದ್ಯರು ರೋಗಿ ಮತ್ತು ಆತನ ಕುಟುಂಬದ ಜೊತೆ ಚರ್ಚಿಸಿ, ಅವರ ಒಪ್ಪಿಗೆ ಪಡೆದ ನಂತರವೇ ಇಸಿಟಿ ನೀಡಲಾಗುತ್ತದೆ.

ತಪ್ಪು ನಂಬಿಕೆ: ಇಸಿಟಿ ಅನುಭವ ಅತ್ಯಂತ ನೋವಿನದು ಮತ್ತು ಭಯಯುಕ್ತ.

ವಾಸ್ತವ: ಅರವಳಿಕೆಯ ಪ್ರಭಾವದಲ್ಲಿ ಇಸಿಟಿ ನೀಡಲಾಗುತ್ತದೆ ಹಾಗಾಗಿ ರೋಗಿಗೆ ನೋವು ಅಥವಾ ವಿದ್ಯುತ್‌ ಶಾಕ್‌ ಗೊತ್ತಾಗುವುದಿಲ್ಲ.

ತಪ್ಪು ನಂಬಿಕೆ: ಇಸಿಟಿ ಮೆದುಳಿಗೆ ಹಾನಿ ಮಾಡುತ್ತದೆ ಮತ್ತು ರೋಗಿಯ ಬುದ್ಧಿಶಕ್ತಿ ಕಡಿಮೆಯಾಗುತ್ತದೆ ಅಥವಾ ವ್ಯಕ್ತಿತ್ವ ಬದಲಾಗುತ್ತದೆ.

ವಾಸ್ತವ: ಇಸಿಟಿ ಮೆದುಳಿಗೆ ಯಾವುದೇ ಹಾನಿಯುಂಟು ಮಾಡುವುದಿಲ್ಲ. ಇದು ತಾತ್ಕಾಲಿಕವಾಗಿ ಜ್ಞಾಪಕಶಕ್ತಿ ಕಡಿಮೆ ಮಾಡಬಹುದು. ಒಟ್ಟಾರೆಯಾಗಿ ಬುದ್ಧಿವಂತಿಕೆ ಅಥವಾ ವ್ಯಕ್ತಿತ್ವಕ್ಕೆ ಯಾಗುವುದಿಲ್ಲ.

ತಪ್ಪು ನಂಬಿಕೆ: ಇಸಿಟಿ ಶಿಕ್ಷೆಯಾಗಿ ನೀಡಲಾಗುತ್ತದೆ.

ವಾಸ್ತವ: ಇಸಿಟಿ ಶಿಕ್ಷೆಯಲ್ಲ. ಮನೋರೋಗದಿಂದ ಬಳಲುತ್ತಿರುವ ವ್ಯಕ್ತಿಗೆ ನೀಡುವ ಒಂದು ವೈದ್ಯಕೀಯ ಪದ್ದತಿ. ಅದಕ್ಕಿಂತ ಹೆಚ್ಚಾಗಿ ಇದೊಂದು ನೋವಿನ ಪ್ರಕ್ರಿಯೆಯಲ್ಲ.

ತಪ್ಪು ನಂಬಿಕೆ: ವೈದ್ಯರು ಇಸಿಟಿ ಸೂಚಿಸಿದ್ದಾರೆಂದರೆ ಆ ಸ್ಥಿತಿಗೆ ಬೇರೆ ಯಾವುದೇ ಚಿಕಿತ್ಸೆ ಕೆಲಸ ಮಾಡುತ್ತಿಲ್ಲ, ಸ್ಥಿತಿ ನಿರಾಶಾದಾಯಕವಾಗಿದೆ ಎಂದರ್ಥ.

ವಾಸ್ತವ: ಸಾಮಾನ್ಯವಾಗಿ ವೈದ್ಯರು ಪ್ರಸ್ತುತದ ಸ್ಥಿತಿಗೆ ಲಭ್ಯವಿರುವ ಚಿಕಿತ್ಸೆಗಳಲ್ಲಿ ಇಸಿಟಿ ತುಂಬಾ ಒಳ್ಳೆಯ ಚಿಕಿತ್ಸೆಯೆಂದು ಸೂಚಿಸುತ್ತಾರೆ. ನೀವು ಇಸಿಟಿ ಸ್ವೀಕರಿಸಲು ಒಪ್ಪದಿದ್ದರೆ ವೈದ್ಯರು ಮುಂದಿನ ಅತ್ಯುತ್ತಮ ಚಿಕಿತ್ಸೆ ಸೂಚಿಸುತ್ತಾರೆ.