ಪ್ರಸವದ ಸಂದರ್ಭದಲ್ಲಿ ಒತ್ತಡ ಮತ್ತು ಚಿಂತೆಯು ಸಹಜ. ಇವುಗಳಲ್ಲಿ ಹೆಚ್ಚಿನವು ಸಮಯ ಕಳೆದಂತೆ ಮರೆಯಾಗುತ್ತವೆ. ಆದರೆ ಒಂದುವೇಳೆ ನಿಮ್ಮಲ್ಲಿ ಮತ್ತೆ ಮತ್ತೆ ಅನಗತ್ಯ ಯೋಚನೆ ಮತ್ತು ಚಿಂತೆಗಳು ಕಾಡಲಾರಂಭಿಸಿ ನಿಮ್ಮ ದೈನಂದಿನ ಚಟುವಟಿಕೆಗಳನ್ನು ನಿರ್ವಹಿಸುವ ಸಾಮರ್ಥ್ಯ ಕಡಿಮೆಯಾಗುತ್ತಿದ್ದರೆ ಬಹುಶಃ ನೀವು ಪ್ರಸವಾನಂತರದ ಆತಂಕಕ್ಕೆ ಒಳಗಾಗಿರಬಹುದು. ಆಗಷ್ಟೇ ತಾಯಿಯಾಗಿರುವ ನೀವು ಮಗುವಿನ ಆರೋಗ್ಯ ಮತ್ತು ಆಹಾರದ ಕುರಿತು ಯೋಚಿಸುವುದು ಅತ್ಯಂತ ಸಾಮಾನ್ಯ ವಿಷಯ. ಆದರೆ, ಈ ಯೋಚನೆಗಳು ನಿಮ್ಮ ನೆಮ್ಮದಿಯನ್ನು ಕೆಡಿಸಿ ಭಯವನ್ನು ಹುಟ್ಟಿಸುತ್ತಿದ್ದಲ್ಲಿ ತಜ್ಞರ ಸಹಾಯ ಪಡೆಯುವುದು ಒಳ್ಳೆಯದು.
ಪ್ರಸವಾನಂತರದ ಆತಂಕದ ಲಕ್ಷಣಗಳು ಗರ್ಭಧಾರಣೆಯ ಸಂದರ್ಭದಲ್ಲಿ ಉಂಟಾಗುವ ಆತಂಕದ ಲಕ್ಷಣಗಳಂತೆಯೇ ಇರುತ್ತದೆ. ಅವು ಯಾವುದೆಂದರೆ.. :
ನಿಮ್ಮಲ್ಲಿ ಈ ಲಕ್ಷಣಗಳು ಕಂಡುಬರುತ್ತಿದ್ದರೆ ನೀವು ನಿಮ್ಮ ವೈದ್ಯರನ್ನು ಅಥವಾ ಪ್ರಸೂತಿ ತಜ್ಞರನ್ನು ಸಂಪರ್ಕಿಸಿ. ಅವರು ನಿಮಗೆ ಮಾನಸಿಕ ಆರೋಗ್ಯ ತಜ್ಞರ ಸಲಹೆ ನೀಡಬಹುದು.
ಪ್ರಸವಾ ನಂತರದ ಒಸಿಡಿ:
ಕೆಲವೊಮ್ಮೆ ತಾಯಂದಿರಲ್ಲಿ ಅವರನ್ನು ಭಯಪಡಿಸುವ ಅನಗತ್ಯ ಯೋಚನೆಗಳು ಮತ್ತೆ ಮತ್ತೆ ಬರಬಹುದು. ಇದರಿಂದ ಅವರು ತಮ್ಮ ಮಗುವಿಗೆ ಹಾನಿಯುಂಟಾಗುವುದನ್ನು ತಪ್ಪಿಸಲು ಕೆಲವು ವಿಪರೀತ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಸಾಧ್ಯತೆಯಿರುತ್ತದೆ. ಪ್ರಸವಾ ನಂತರದ ಒಸಿಡಿಯ ಲಕ್ಷಣಗಳು ಈ ರೀತಿ ಇವೆ:
ಚಿಕಿತ್ಸೆ:
ಈ ಆತಂಕದ ಲಕ್ಷಣದ ಗಂಭೀರತೆಯ ಆಧಾರದಲ್ಲಿ ಚಿಕಿತ್ಸೆ ನೀಡಲಾಗುತ್ತದೆ. ಒಂದು ವೇಳೆ ಲಕ್ಷಣಗಳು ಗಂಭೀರವಾಗಿರದಿದ್ದಲ್ಲಿ ಭಾವನಾತ್ಮಕ ಬೆಂಬಲ ಮತ್ತು ಥೆರಪಿಯಿಂದ ತಾಯಿಯ ಆತಂಕವನ್ನು ಹೋಗಲಾಡಿಸಲು ಸಾಧ್ಯವಾಗಬಹುದು. ಲಕ್ಷಣಗಳು ಗಂಭೀರವಾಗಿದ್ದಲ್ಲಿ ತಾಯಿಗೆ ಸೈಕೊಥೆರಪಿಯ ಜೊತೆಗೆ ಔಷಧಗಳ ಅಗತ್ಯವಿರಬಹುದು. ಕಾಗ್ನೆಟಿವ್ ಬಿಹೆವಿಯರಲ್ ಥೆರಪಿ (CBT) ಅಥವಾ ಇಂಟರ್ ಪರ್ಸನಲ್ ಥೆರಪಿ (IPT) ಯು ಸಹಾಯಕವಾಗಬಹುದು. ಈ ಥೆರಪಿಗಳು ಬೇಡದ ಯೋಚನೆಗಳ ಕಾರಣವನ್ನು ಗುರುತಿಸಿ ಅವುಗಳನ್ನು ಆರೋಗ್ಯಕರವಾದ ಯೋಚನೆಗಳಾಗಿ ಬದಲಾಯಿಸಲು ಸಹಾಯ ಮಾಡುತ್ತದೆ.