ಪರೀಕ್ಷೆಯ ಪಯಣ ಸಾಮಾನ್ಯವಾಗಿ ಪರೀಕ್ಷೆ ಎಂದರೆ ನಮಗೆಲ್ಲರಿಗೂ ಒಂದು ರೀತಿಯ ಹೆದರಿಕೆ ಮತ್ತು ಆತಂಕ ಉಂಟಾಗುತ್ತದೆ . ಇಂತಹ ಆತಂಕ ಸಹಜವಾದ ಮಟ್ಟದಲ್ಲಿದ್ದರೆ, ಅದು ಹೆಚ್ಚು ಶ್ರಮವಹಿಸಿ ಓದಲು ಮತ್ತು ಪರೀಕ್ಷೆಯಲ್ಲಿ ಉತ್ತಮವಾಗಿ ಭಾಗವಹಿಸಲು ಪ್ರೇರಣೆ ನೀಡುತ್ತದೆ. ಆದರೆ ಇದೇ ಆತಂಕವು ವಿಪರೀತವಾದರೆ ಮತ್ತು ಅಗಾಧವಾದರೆ ಅದನ್ನು ಪರೀಕ್ಷಾ ಆತಂಕ ಎಂದು ಪರಿಗಣಿಸಲಾಗಿತ್ತದೆ. ಇದರಿಂದ ವಿದ್ಯಾರ್ಥಿಗಳು ಪರೀಕ್ಷೆಯನ್ನು ಉತ್ತಮವಾಗಿ ನಿಭಾಯಿಸಲು ಅಸಮರ್ಥರಾಗುತ್ತಾರೆ.ಮುಂದಿನ ಫಲಕಗಳಲ್ಲಿ ಪರೀಕ್ಷಾ ಆತಂಕದ ಬಗ್ಗೆ ಹೆಚ್ಚು ಮಾಹಿತಿ ಪಡೆಯಿರಿ.ಪರೀಕ್ಷಾ ಆತಂಕವಿರುವಾಗ ಕಂಡುಬರುವ ದೈಹಿಕ ಲಕ್ಷಣಗಳು ಪರೀಕ್ಷಾ ಆತಂಕವಿರುವಾಗ ಕಂಡುಬರುವ ದೈಹಿಕ ಲಕ್ಷಣಗಳು ಮಾಂಸಖಂಡಗಳಲ್ಲಿ ಬಿಗಿತದ ಅನುಭವ. ತಲೆನೋವು, ನಿದ್ರಾಹೀನತೆ, ವಾಕರಿಕೆ, ಹೃದಯದ ಬಡಿತ ಹೆಚ್ಚಾಗುವುದು. ಗಂಟಲು ಒಣಗುವುದರೊಂದಿಗೆ ಹಸಿವಿನಲ್ಲಿಯೂ ಬದಲಾವಣೆ. ಆಗ್ಗಾಗ್ಗೆ ಮೂತ್ರವಿಸರ್ಜಿಸುವಂತಾಗುವುದು ಮತ್ತು ಹೊಟ್ಟೆನೋವಿನಿಂದ ನರಳುವುದು. ಜ್ಞಾಪಕಶಕ್ತಿ ಮತ್ತು ನಡವಳಿಕೆಯಲ್ಲಿನ ಲಕ್ಷಣಗಳು ಜ್ಞಾಪಕಶಕ್ತಿ ಮತ್ತು ನಡವಳಿಕೆಯಲ್ಲಿನ ಲಕ್ಷಣಗಳುಪರೀಕ್ಷಾ ಆತಂಕಕ್ಕೆ ಒಳಗಾದ ವಿದ್ಯಾರ್ಥಿಯಲ್ಲಿ ಒಂದು ರೀತಿಯ ಚಡಪಡಿಕೆ, ಕಳವಳ ಹಾಗೂ ಏಕಾಗ್ರತೆಯ ಕೊರತೆ ಕಂಡುಬರುತ್ತದೆ. ಮಕ್ಕಳು ಪರೀಕ್ಷೆಯಿಂದ ದೂರ ಉಳಿಯಲು ಪ್ರಯತ್ನಿಸುತ್ತಾರೆ ಮತ್ತು ತಾವು ಓದಿದ ವಿಷಯಗಳ ಮನನ ಮಾಡಲು ಸಾಧ್ಯವಾಗುವುದಿಲ್ಲ, ಜೊತೆಗೆ ತಮ್ಮಷ್ಟಕ್ಕೇ ತಾವೇ ಋಣಾತ್ಮಕವಾಗಿ ಮಾತನಾಡಿಕೊಳ್ಳುತ್ತಾರೆ. ಭಾವನಾತ್ಮಕ ಲಕ್ಷಣಗಳು ಭಾವನಾತ್ಮಕ ಲಕ್ಷಣಗಳುವಿದ್ಯಾರ್ಥಿಯಲ್ಲಿ ಒಂದು ರೀತಿಯ ಭೀತಿ, ನಿರಾಶೆಯ ಮನೋಭಾವ, ಕಾರಣವಿರದೇ ಹತಾಶೆಗೊಳ್ಳುವುದು, ಚಡಪಡಿಕೆ ಮತ್ತು ಕೆಲವೊಮ್ಮೆ ಖಿನ್ನತೆಯ ಲಕ್ಷಣಗಳು ಕಂಡುಬರುತ್ತವೆ.ಸಾಮಾಜಿಕ ಲಕ್ಷಣಗಳು ಸಾಮಾಜಿಕ ಲಕ್ಷಣಗಳುತನ್ನ ಕುಟುಂಬ ಹಾಗೂ ಸ್ನೇಹಿತರಿಂದ ದೂರ ಉಳಿಯುತ್ತಾರೆ. ಕಾರಣವಿರದೇ ಬೇರೆಯವರೊಡನೆ ಸಿಟ್ಟಾಗುವುದು ಅಥವಾ ಸ್ನೇಹಿತರೊಡನೆ ಹೆಚ್ಚಾಗಿ ಕಾಲಹರಣ ಮಾಡಿ ಪರೀಕ್ಷೆಗೆ ಓದುವುದಿಲ್ಲ.ಯಾವಾಗ ಎಚ್ಚರವಹಿಸಬೇಕು ಎಂಬುದರ ಬಗ್ಗೆ ತಿಳಿಯಲು ಮುಂದಿನ ಫಲಕವನ್ನು ನೋಡಿ.ಪರೀಕ್ಷಾ ಆತಂಕ ಪರೀಕ್ಷಾ ಆತಂಕ ಸಾಮಾನ್ಯ ಹೆದರಿಕೆಗಿಂತ ಭಿನ್ನವಾದ ಭೀತಿಯಾಗಿರುತ್ತದೆ. ಇದರಿಂದ ಅಧಿಕ ಒತ್ತಡ ಮತ್ತು ಭಾವನಾತ್ಮಕ ರೀತಿಯಲ್ಲಿ ತೊಂದರೆಯುಂಟಾಗುತ್ತದೆ. ಆದರೆ ಕೆಲವೊಂದು ಸೂಕ್ತ ಕ್ರಮಗಳನ್ನು ತೆಗೆದುಕೊಳ್ಳುವುದರ ಮೂಲಕ ಇದನ್ನು ನಿವಾರಿಸಬಹುದು. ವಾಸ್ತವದಲ್ಲಿ ನಿರೀಕ್ಷೆಗೆ ಎಟುಕುವ ಅಂಶಗಳನ್ನು ಮಾತ್ರ ಬಯಸುವುದು, ಯಥಾರ್ಥವಾಗಿ ಸಮಯವನ್ನು ನಿರ್ವಹಿಸುವುದು, ವಿಶ್ರಾಂತಿ ತೆಗೆದುಕೊಳ್ಳಲು ಹಲವು ವಿಧಾನವನ್ನು ಕಲಿಯುವುದು ಮುಂತಾದವು. ಈ ರೀತಿಯ ಆರೋಗ್ಯಕರ ಅಭ್ಯಾಸಗಳ ಮೂಲಕ ಪರೀಕ್ಷಾ ಆತಂಕವನ್ನು ನಿರ್ವಹಣೆ ಮಾಡಬಹುದು.ಅದಾಗ್ಯೂ, ಒಂದು ವೇಳೆ ಪರೀಕ್ಷಾ ಆತಂಕ ಹೆಚ್ಚಿನ ದಿನಗಳವರೆಗೆ ಮುಂದುವರೆದು ನಿಮ್ಮ ದೈನಂದಿನ ಚಟುವಟಿಕೆಗಳಿಗೆ ತೊಂದರೆಯಾಗುತ್ತಿದ್ದರೆ ತಜ್ಞರನ್ನು ಸಂಪರ್ಕಿಸಿ ಸೂಕ್ತ ಸಹಾಯ ಪಡೆಯಿರಿ.