ಸ್ಮಾರ್ಟ್ ಫೋನ್ ಸಂದೇಶಗಳು ನಿಮ್ಮನ್ನು ಚಂಚಲರನ್ನಾಗಿಯೂ ಮಿತಿಮೀರಿ ಸಕ್ರಿಯರನ್ನಾಗಿಯೂ ಮಾಡಬಲ್ಲದು

ಸ್ಮಾರ್ಟ್ ಫೋನ್ ಸಂದೇಶಗಳು ನಿಮ್ಮನ್ನು ಚಂಚಲರನ್ನಾಗಿಯೂ ಮಿತಿಮೀರಿ ಸಕ್ರಿಯರನ್ನಾಗಿಯೂ ಮಾಡಬಲ್ಲದು

ನೀವು ಯಾವಾಗಲೂ ನಿಮ್ಮ ಸ್ಮಾರ್ಟ್ ಫೋನ್’ನಲ್ಲಿ ಬರುವ ಸಂದೇಶಗಳನ್ನು (ಅಲರ್ಟ್ಸ್) ಪರೀಕ್ಷಿಸುತ್ತಾ, ಅವಕ್ಕೆ ತತ್ ಕ್ಷಣ ಪ್ರತಿಕ್ರಿಯಿಸುವಲ್ಲಿ ವ್ಯಸ್ತರಾಗಿರುತ್ತೀರಾ? ಸಾಮಾಜಿಕ ಜಾಲತಾಣಗಳು ತೋರುವ ನೋಟಿಫಿಕೇಶನ್’ಗಳನ್ನು ಕಡ್ಡಾಯವೆಂಬಂತೆ ಆ ಕೂಡಲೇ ತೆರೆದು ನೋಡುತ್ತೀರಾ? ಹಾಗಾದರೆ ನೀವು ಏಕಾಗ್ರತೆ ವಿಚಲಿತಗೊಳ್ಳುವ ಅಟೆನ್ಶನ್ ಡಿಫಿಸಿಟ್ ಹೈಪರ್ ಆಕ್ಟಿವಿಟಿ ಡಿಸಾರ್ಡರ್ (ADHD) ನಿಂದ ಬಳಲುತ್ತೀದ್ದೀರಿ ಎನ್ನುತ್ತದೆ ವರ್ಜೀನಿಯಾ ವಿಶ್ವವಿದ್ಯಾಲಯದ ಒಂದು ಅಧ್ಯಯನ. ಕ್ಯಾಲಿಫೋರ್ನಿಯಾದ ಸ್ಯಾನ್ ಹೋಸೆಯಲ್ಲಿ ನಡೆದ ಹ್ಯೂಮನ್ – ಕಂಪ್ಯೂಟರ್ ಇಂಟರಾಕ್ಷನ್ ಕಾನ್ಫರೆನ್ಸ್ ಆಫ್ ದ ಅಸೋಸಿಯೇಶನ್ ಫಾರ್ ಕಂಪ್ಯೂಟಿಂಗ್ ಮೆಶಿನರಿಯಲ್ಲಿ ಈ ಅಧ್ಯಯನ ವರದಿಯನ್ನು ಬಿಡುಗಡೆ ಮಾಡಲಾಯಿತು.

ಕೊಲಂಬಿಯಾ ಬ್ರಿಟಿಶ್ ವಿಶ್ವವಿದ್ಯಾಲಯದ 221 ವಿದ್ಯಾರ್ಥಿಗಳ ಮೇಲೆ ಎರಡು ವಾರಗಳ ಕಾಲ ನಡೆಸಿದ ಪ್ರಾಯೋಗಿಕ ಸಂಶೋಧನೆಯ ಫಲಶ್ರುತಿ ಇದಾಗಿದ್ದು; ವರದಿಯ ಸಾರಾಂಶ ಈ ಮೇಲಿನಂತಿದೆ.

ಮೊದಲ ವಾರದಲ್ಲಿ ವಿದ್ಯಾರ್ಥಿಗಳಿಗೆ ತಮ್ಮೆಲ್ಲ ನೋಟಿಫಿಕೇಶನ್’ಗಳನ್ನೂ ಆನ್ ಮಾಡಿಕೊಂಡು ತಮ್ಮ ಪಕ್ಕದಲ್ಲೆ ಫೋನ್ ಇಟ್ಟುಕೊಳ್ಳುವಂತೆ ಸೂಚಿಸಲಾಗಿತ್ತು. ಎರಡನೆ ವಾರದಲ್ಲಿ, ನೋಟಿಫಿಕೇಶನ್’ಗಳನ್ನು ಆಫ್ ಮಾಡಿ ತಮ್ಮಿಂದ ಫೋನ್ ಅನ್ನು ದೂರವಿಟ್ಟುಕೊಳ್ಳುವಂತೆ ಸೂಚಿಲಾಯಿತು. ಅನಂತರದಲ್ಲಿ ವಿದ್ಯಾರ್ಥಿಗಳಿಗೆ ಪ್ರಶ್ನೆ ಪತ್ರಿಕೆ ನೀಡಿ ಉತ್ತರಿಸಲು ಹೇಳಲಾಯಿತು. ಈ ಪತ್ರಿಕೆಯಲ್ಲಿ ವಿದ್ಯಾರ್ಥಿಗಳ ಚಟುವಟಿಕೆ ತೀವ್ರತೆ ಮತ್ತು ಏಕಾಗ್ರತೆಯನ್ನು ಅಳೆಯುವಂಥ ಪ್ರಶ್ನೆಗಳನ್ನು ನೀಡಲಾಗಿತ್ತು. ಅಲರ್ಟ್’ಗಳನ್ನು ಆನ್ ಇಟ್ಟಾಗ ವಿದ್ಯಾರ್ಥಿಗಳು ಹೆಚ್ಚು ಚಂಚಲರೂ ಏಕಾಗ್ರತೆ ಇಲ್ಲದವರೂ ಆಗಿದ್ದುದನ್ನು ಪ್ರಶ್ನೆಪತ್ರಿಕೆಯಲ್ಲಿ ದೊರೆತ ಉತ್ತರಗಳು ಸಾಬೀತುಪಡಿಸಿದವು.

ಈ ವಿದ್ಯಾರ್ಥಿಗಳಲ್ಲಿ ADHD ಲಕ್ಷಣಗಳು ಇಲ್ಲದೆ ಇದ್ದರೂ; ಅವರು ಚಂಚಲತೆ, ಗಮನ ಕೇಂದ್ರೀಕರಿಸಲು ಕಷ್ಟಪಡುವುದು, ಗಮನವಿಡಲು ಯತ್ನಿಸಿದರೆ ಬೋರ್ ಆಗುವುದು, ಚಡಪಡಿಕೆಯೇ ಮೊದಲಾದ ಸಮಸ್ಯೆಗಳನ್ನು ಎದುರಿಸುತ್ತಿರಬಹುದು ಎಂಬುದು ಅಧ್ಯಯನ ವರದಿಯ ಅಭಿಪ್ರಾಯ.

ಹೆಚ್ಚಿನ ವರದಿಗಾಗಿ ಇಲ್ಲಿ ನೋಡಿ : https://news.virginia.edu/content/study-smartphone-alerts-increase-inattention-and-hyperactivity

Related Stories

No stories found.
logo
ವೈಟ್ ಸ್ವಾನ್ ಫೌಂಡೇಶನ್
kannada.whiteswanfoundation.org