ಆರೈಕೆದಾರರಿಗೂ ಆರೈಕೆ ಬೇಕು

ಬಹಳಷ್ಟು ಆರೈಕೆದಾರರಿಗೆ ವೃತ್ತಿಪರ ಆರೈಕೆ ಬಗ್ಗೆ ತಿಳಿದಿರುವುದಿಲ್ಲ. ಅನಿವಾರ್ಯದಿಂದ ಆರೈಕೆದಾರರಾಗಿರುತ್ತಾರೆ. ಇವರಿಗೆ ತಾವು ಆರೈಕೆ ಮಾಡಬೇಕಾದ ವ್ಯಕ್ತಿಯ ಕ್ಷೇಮವೇ ಅತಿ ಮುಖ್ಯವಾಗಿರುತ್ತದೆ. ಹೀಗಾಗಿ ತಮ್ಮ ಆರೋಗ್ಯದ ಬಗ್ಗೆ ಯೋಚಿಸುವುದಿಲ್ಲ. ಹಾಗೇನಾದರೂ ತಮಗೆ ಸ್ವಲ್ಪ ಸಮಯ ಮೀಸಲಿಟ್ಟರೆ/  ಸಮಯ ಕಳೆದರೆ ಅವರಿಗೆ ತಪ್ಪಿತಸ್ಥ ಭಾವನೆಯೂ ಬರುವುದುಂಟು.

ಆರೈಕೆದಾರರಲ್ಲಿ ಕಂಡು ಬರುವ ಒತ್ತಡಗಳನ್ನು ಈಗಾಗಲೇ ಸಂಶೋಧನೆಯು ಸ್ಪಷ್ಟಪಡಿಸಿದೆ. ಜೊತೆಗೆ ಯಾವುದೇ ಬೆಂಬಲವಿಲ್ಲದೆ ಪೂರ್ತಿಕಾಲ ಆರೈಕೆ ಮಾಡುತ್ತಾ ವಿಶ್ರಾಂತಿ ಸಿಗದೆ ಕಷ್ಟಪಡುವವರನ್ನು ಕೂಡ ಕಾಣಬಹುದು. ಆದರೆ ಹೀಗೆ ದಿನನಿತ್ಯ ಒಬ್ಬರೇ ಆರೈಕೆ ಮಾಡುತ್ತಾ ಹೋದಾಗ ಆರೈಕೆದಾರರ ದೈಹಿಕ ಹಾಗೂ ಮಾನಸಿಕ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಇದಕ್ಕಾಗಿ ಅವರು ತಮ್ಮ ಆರೈಕೆಯ ಬಗ್ಗೆಯೂ ಗಮನ ಹರಿಸಬೇಕಾಗುತ್ತದೆ.

ಸ್ವಯಂ ಆರೈಕೆಯಿಂದ ಮಾತ್ರ ಬೇರೆಯವರನ್ನು ನೋಡಿಕೊಳ್ಳಲು ಸಾಧ್ಯ ಎಂದು ಅರಿಯಬೇಕು .